Lyrics Room

विठू माझा लेकुरवाळा, संगे गोपाळांचा मेळा ||धृ|| निवृत्ती हा खांद्यावरी,सोपानाचा हात धरी ||१|| पुढे चाले ज्ञानेश्वर, मागे मुक्ताई सुंदर ||२|| गोरा कुंभार मांडीवरी, चोखा जीवा बरोबरी ||३|| बंका वंका कडेवरी, नामा करांगुळी धरी ||४|| जनी म्हणे गोपाळा, करी भक्तांचा सोहळा ||५||

आवडे हे रूप गोजिरे सगुण पाहता लोचन सुखावले || धृ || आता दृष्टी पुढे एसाची तू राहे जो मी तुज पाहे वेळोवेळा || १ || वाचवले मन लागलीसे गोडी ते जीव न सोडी ऐसे झाले || २ || तुका म्हणे आम्ही मागावे लडिवाळी पुरवावी आळी माय बाप || ३ ||

रूप सावळे सुंदर कानी कुंडली मकरा-कार || धृ || तो हा पंढरीचा राणा नकळे योगियांच्या ध्याना || १ || पिवळा पितांबर वैजयंती माथा मुकुट शोभे दीप्ती || २ || एका जनार्दनी ध्यान विठे पाऊले समान || ३ ||

भगवा झेंडा फडकवीत आला आला जय जय राम कृष्ण राम कृष्ण बोला || धृ || अयोध्येचा राम राजा झाला पितृवचनासाठी वनवास भोगीयेला || १ || गोकुळात कृष्ण जन्म झाला कंस मामाचा हो वध त्याने केला || २ || जिजाइच्या पोटी शिव जन्मला हिंदवी स्वराज्य हो स्थापन त्याने केला || ३ ||

देखोनिया तुझ्या रूपाचा आकार, उभा कटीकर ठेवोनिया ||धृ|| तेणे माझ्या चित्ती झाले समाधान, वाटते चरण ण सोडावे ||१|| मुखी गातो गीत वाजवितो टाळी, नाचत राहुली प्रेमे सुख ||२|| तुका म्हणे मज तुझ्या नामा पुढे, तुच्छे हे बा पुढे सकळही ||३||

निघालो घेवून दत्ताची पालखी आम्ही भाग्यवान आनंद निधान,  झु लते हळूच दत्ताची पालखी ||धृ|| रत्नाची आरास साज मखमलीची त्यावरी सुगंधी फुले गोड ओळी,  झुळूक कोवळी चंदना सारखी ||१|| सात जन्माचि ही लाभली पुण्याई म्हणुनी जाहलो पालखीचे भोई,  शांतमाय मूर्ती पाहटे सारखी ||२|| वाट वळणाची जिवाला या ओढी दिसते समोर नरसोबाची वाडी,  डोळीयांत गंगा जाहली बोलकी ||३||

नाम घेता उठाउठी, होय संसाराची तुटी ||धृ|| ऐसा लाभ बांधा गाठी, विठ्ठल पायी पडे मिठी ||१|| नामापरिते साधन नाही, जें तू करिसी आणिक काही ||२|| हाकारोनी सांगे तुका, नाम घेता राहो नका ||३||

विठू माऊली तू माऊली जगाची माऊलीच मूर्ती विठ्ठलाची, विठ्ठला मायबापा ||धृ|| काय तुझी माया सांगू श्रीरंगा संसाराची पंढरी तू केली पांडुरंगा डोळ्यातून वाहे माय चंद्रभागा अमृताची गोडी आज आलीया अभंगा.. विठ्ठला मायबापा अभंगाला जोड टाळ चिपळ्यांची माऊलीच मूर्ती विठ्ठलाची … ||१|| लेकरांची सेवा केलीस तू आई कस पांग फेडू आता कस होऊ उतराई तुझ्या उपकारा जगी तोड नाही ओवाळीन जीव माझा सावळे विठ्ठाई..  विठ्ठला मायबापा जन्मभरी पूजा तुझ्या पाउलाची माऊलीच मूर्ती विठ्ठलाची … ||२|| पांडुरंग पांडुरंग विठू माउली तू....

वनमाळी वनमाळी वनमाळी राधे तुला बोलावितो वनमाळी ||धृ|| वेणी फुलाची जाई जुईची, वर मोत्याची माळ ||१|| साडी जरीची चोळी बुटयाची, नेसुनी चंद्रावर ||२|| एका जनार्दनी पूर्ण कृपेने, भक्ती माझी भोळी ||३||

अवघे गरजे पंढरपूर, चालला नामाचा गजर ||धृ|| टाळ घोष कानी येती, ध्यानी विठ्ठलाची मूर्ती पांडुरंगी जाहलों हो, चंद्रभागा तीर,  चालला नामाचा गजर ||१|| इडापिडा टळुनी जाती, देहाला या लाभे मुक्ती नामरंगी रंगलो हो, संतांचे माहेर,  चालला नामाचा गजर ||२|| देव दिसे ठाई ठाई, भक्तलीन भक्तापाई सुखालाही आला या हो, आनंदाचा पूर, चालला नामाचा गजर ||३||

धरीला पंढरीचा चोर | गळा बांधुनिया दोर ||१|| हृदय बंदिखाना केला | आंत विठ्ठल कोंडीला ||२|| शब्दे केली जडाजुडी | विठ्ठल पायी घातली बेडी ||३|| सोहम शब्दाचा मारा केला | विठ्ठल काकुळती आला ||४|| जनी म्हणे बा विठ्ठला | जीवे न सोडी मी तुजला ||५||

यारे नाचू प्रेमानांदे, विठ्ठल नामाचिया छंद ||धृ|| जाऊ म्हणती पंढरीची वाटे, कळीकाळा भयं वाटे ||१|| चंद्रभागे घडले स्नान, याम लोकी पडली हान ||२|| झाली पुंडलिक भेटी, पूर्वज आनंदले वैकुंठी ||३|| आता राऊळासी जाता, झाली जीवाची मुक्तता ||४|| विष्णुदास नामा म्हणे, आता नाही येणे जाणे ||५ |

हरी म्हणा तुम्ही गोविंद म्हणा तुम्ही गोपाळ म्हणा हरी नारायणा ||धृ|| गोविंद गोपाळ हरी नारायणा गोविंद गोपाळ हरी नारायणा  हरी म्हणा तुम्ही गोविंद म्हणा  तुम्ही गोपाळ म्हणा हरी नारायणा ||१|| शाम म्हणा घनश्याम म्हणा राधेश्याम म्हणा मेघश्याम म्हणा शाम म्हणा घनश्याम म्हणा राधेश्याम म्हणा मेघश्याम म्हणा ||२|| राम म्हणा राजाराम म्हणा सीताराम म्हणा आत्माराम म्हणा राम म्हणा राजाराम म्हणा सीताराम म्हणा आत्माराम म्हणा ||३|| दत्त म्हणा गुरुदत्त म्हणा श्रीपाद म्हणा गुरुदेव म्हणा दत्त म्हणा गुरुदत्त म्हणा श्रीपाद म्हणा गुरुदेव म्हणा ||४||

वरीयाने कुंडल हाले | डोळे मोडीत राधा चाले || राधा पाहून भुलले हरी | बैल दुभवी नंदा घरी || फणस जंबीर कर्दळी दाटा | हाती घेऊन नांगारी फाटा || हरि पाहून भुलली चित्ता | राधा घुसळी डेरा रिता || ऐसी आवडी मिनाली दोघा | एकरूप झाले अंगा || मन मिळालेसे मना | एका भुलला जनार्दना ||

आता कोठे धावे मन, तुझे चरण देखिले आज || धृ || भाग गेला शीण गेला, अवघा झाला आनंद || १ || प्रेम रसे बैसली मिठी, आवडी लाठी मुखाशी || २ || तुका म्हणे आम्हा जोगे, विठ्ठल घोंगे खरे माप || ३ ||

वाचावी ज्ञानेश्वरी, डोळा पहावी पंढरी ||धृ|| ज्ञान होय अति मुढा, अति मूर्ख त्या दगडा ||१|| ज्ञान होय अज्ञानासी, ऐसा वर या टीकेशी ||२|| वाचेल जो कोणी ज्ञानेश्वरी, जनी त्याची लोटांगणी ||३||

दत्त माझा भाव, दत्त माझा देव | दत्त अनुभव अंतरीचा || दत्त माझे ध्यान, दत्त माझे ज्ञान | दत्ताविन आन विश्व नाही || दत्त नाम श्रवण, दत्त ध्यान मनन | दत्त भजनी मौन सहजची || दत्त माझी भक्ती, दत्त माझी मुक्ती | दत्तस्मरणी विरती अनासाये || दत्तपदी जनन, दत्तरुपी मरण | दत्तापाई शरण जिवे भावे || दत्त निराकार, दत्तची साकार | दत्त गुरूवर बाळ माझा || - पंत बाळेकुंद्री महाराज

तीन शिरे सहा हात | तया माझा दंडवत ||धृ|| काखे झोळी पुढे श्वान | नित्य जानव्हीचे स्नान ||१|| माथा शोभे जटाभार | अंगी विभूती सुंदर ||२|| शंख चक्र गदा हाती | पायी खडावा गर्जती ||३|| तुका म्हणे दिगंबर | तया माझा नमस्कार ||४||

दत्त दिगंबर अवधूता | या भजनाला भगवंता ||धृ|| वैराग्याची त्रयमूर्ती | गोमाता तुझ सांगती | माय अनुसया अत्रीसुता | या भजनाला भगवंता ||१|| पितांबर तव कटी शोभे | मागे पुढती श्वान उभे | तूच हरविसी भय चिंता | या भजनाला भगवंता ||२|| रुद्राक्षांचा मनोहर | अखंड चाले संचार | दीनांचा तू प्रभू दाता | या भजनाला भगवंता ||३|| शरण रिघावे सदभावे | जीवित तू चाल सांगावे | हेच मागणी प्रभू दत्ता | या भजनाला भगवंता ||४||

सुंदर ते ध्यान उभे विटेवरी | कर कटावरी ठेवोनिया || तुळसी हार गळा कांसे पितांबर | आवडे निरंतर तेची रूप || मकरकुंडले तळपती श्रवणी | कंठी कौस्तुभमणी विराजीत || तुका म्हणे माझे हेची सर्व सुख | पाहीन श्रीमुख आवडीने ||

पंढरीसी जा रे आल्यानो संसारा । दीनाचा सोयरा पांडुरंग ॥१॥ वाट पाहे उभा भेटीची आवडी ।  कृपाळूं तांतडी उतावीळ ॥ध्रु.॥ मागील परिहार पुढें नाही शीण ।  जालिया दर्षणें एकवेळा ॥२॥ तुका म्हणे नेदी आणिकांचे हातीं । बैसला तोचित्तीं निवडेना ॥३॥

देव माझा विठू सावळा माळ त्याची माझिया गळा… || धृ ||   विठू राहे पंढरपुरी, वैकुंठच हे भूवरी, भीमेच्या काठी डुले भक्तीचा मळा… || १ ||   साजिरे रूप सुंदर, कटी झळके पितांबर कंठात तुळशीची हार, कस्तुरी टिळा… || २ ||   भजनात विठू डोलतो, कीर्तनी विठू नाचतो रांगुनी जाई पाहुनी, भक्तीचा लळा… || ३ ||

वरीयाने कुंडल हाले | डोळे मोडीत राधा चाले || राधा पाहून भुलले हरी | बैल दुभवी नंदा घरी || फणस जंबीर कर्दळी दाटा | हाती घेऊन नांगरी फाटा || हरि पाहून भुलली चित्ता | राधा घुसळी डेरा रिता || ऐसी आवडी मिनली दोघा | एकरूप झाले अंगा || मन मिळालेसे मना | एका भुलला जनार्दन ||

कानडा राजा पंढरीचा वेदांनाही नाही कळला अंत पार याचा ||धृ|| निराकार तो निर्गुण ईश्वर  कसा प्रकटला असा विटेवर  उभय ठेविले हात कटिवर, पुतळा चैतन्याचा ||१|| परब्रम्ह हे भक्तांसाठी  मुके ठाकले भीमेकाठी  उभा राहिला भाव सावयव, जणू की पुंडलिकाचा ||२|| हा नाम्याची खीर चाखतो  चोखोबाची गुरे राखतो पुरंदरचा हा परमात्मा, वाली दामाजीचा ||३||

चंद्रभागेच्या तिरी, उभा मंदिरी, तो पहा विटेवरी विठ्ठल विठ्ठल जय हरी, जय विठ्ठल विठ्ठल जय हरी | दुमदुमली पंढरी, पांडुरंग हरी, तो पहा विटेवरी  विठ्ठल विठ्ठल जय हरी, जय विठ्ठल विठ्ठल जय हरी ||धृ|| जगी प्रकटला तो जगजेठी, आला पुंडलिकाच्या भेटी,  पाहून सेवा खरी, थांबला हरी, तो पहा विटेवरी ||१|| विठ्ठल विठ्ठल जय हरी..... नामदेव नामात रंगला, संत तुका कीर्तनी दंगला,  टाळ घेऊनी करी, चला वारकरी, तो पहा विटेवरी ||२|| विठ्ठल विठ्ठल जय हरी..... संत जनाई ओवी गाई, तशी सखू अन् बहिणाबाई, रखुमाई मंदिरी, एकली परि, तो पहा विटेवरी ||३|| विठ्ठल विठ्ठल जय हरी.....

विठ्ठल विठ्ठल नाम तुझे चांगले, ऐकता मन माझे रमले ||धृ|| तुझ्या नामाचा लागला छंद, राम कृष्ण हरी गोविंद सर्व तुला वाहिले ||१|| तुझ्या नामाची लागली गोडी, भक्ती केली थोडी थोडी सर्व तुला वाहिले ||२|| तुझ्या नामाचा अबीर बुका, म्हणे नामयाचा सखा सर्व तुला वाहिले ||३||

आज गोकुळात रंग खेळतो हरी,  राधिके जरा जपून जा तुझ्या घरी ||धृ|| तो चकोर चित्त चोर वाट रोखतो, हात ओढूनी खुशाल रंग टाकतो, रांगवूनी रंगुनी गुलाल फसतो, सांगते अजूनही तुला परोपरी ||१|| राधिके जरा जपून..... सांग श्याम सुंदरास काय जाहले? रंग टाकल्या वीणा कुणा न सोडले, ज्यास त्यास रंग रंग रंग लागले एकटीच वाचशील काय तू तरी ||२|| राधिके जरा जपून..... त्या तिथे अनंगरंग रास रंगला गोपगोपिकांसवे मुकुंद दंगला तो पहा मृदंग मंजिर्यात वाजला हाय वाजली फिरून तीच बासरी ||३|| राधिके जरा जपून.....

अमृताहुनी गोड नाम तुझे देवा,  मन माझे केशवा का बा न घे ||धृ|| सांग पंढरीराया काय करू यासी,  का रूप ध्यानासी नये तुझे ||१|| अमृताहुनी गोड..... कीर्तनी बैसता निद्रे नागविले,  मन माझे गुंतले विषयसुखा ||२|| अमृताहुनी गोड..... हरिदास गर्जती हरिनामाच्या किर्ती न ये माझ्या चित्ती नामा म्हणे ||३|| अमृताहुनी गोड.....

माझे पुण्य फळा आले, आज मी दत्तगुरू पाहिले ||धृ|| शंखचक्र करी विराजित ते, पद्मकमंडलू हाती शोभते  भस्मांकित तनु गोजिरवाणी, यातिवेषे सजले ||१|| गळा माळ ती हाती झोळी, मुख कमलाची दिव्य झळाळी स्वर्गसुखाची भेट आज ही, धन्य जीवन झाले ||२|| दिनांचा गुरुराज दयाळू, भक्तांसाठी होत कृपाळू जटाधारी परब्रम्ह सावळे, पाहुनी मन धाले ||३||

जाते मी भेटाया विठू माऊलीला जाते माहेराला माझ्या जाते माहेराला ||धृ|| झाडा झुडपांनो सांगा, सांगा पाखरांनो  पंढरीची वाट मला, दावा चिमण्यांनो ||१|| इथूनच दिंडी जाते, ज्ञानोबारायांची  उधळण होते, अबीर बुक्याची ||२|| दिंड्या पताकांच्या येती, लटावरी लाटा  जनी म्हणे पांडुरंग, इथे मला भेटा ||३||

आपुल्या माहेरा जाईन मी आता निरोप या संती हाती आला ||धृ|| सुख दुःख माझे मी सांगेन त्याला येतो कळवळा म्हणोनिया ||१|| तुका म्हणे माझा दीन बंधू सखा तोची पाठीराखा नित्य असे ||२||