चंद्रभागेच्या तिरी उभा मंदिरी - chandrbhagechya tiri ubha mandiri
चंद्रभागेच्या तिरी, उभा मंदिरी, तो पहा विटेवरी
विठ्ठल विठ्ठल जय हरी, जय विठ्ठल विठ्ठल जय हरी |
दुमदुमली पंढरी, पांडुरंग हरी, तो पहा विटेवरी
विठ्ठल विठ्ठल जय हरी, जय विठ्ठल विठ्ठल जय हरी ||धृ||
जगी प्रकटला तो जगजेठी, आला पुंडलिकाच्या भेटी,
पाहून सेवा खरी, थांबला हरी, तो पहा विटेवरी ||१||
विठ्ठल विठ्ठल जय हरी.....
नामदेव नामात रंगला, संत तुका कीर्तनी दंगला,
टाळ घेऊनी करी, चला वारकरी, तो पहा विटेवरी ||२||
विठ्ठल विठ्ठल जय हरी.....
संत जनाई ओवी गाई, तशी सखू अन् बहिणाबाई,
रखुमाई मंदिरी, एकली परि, तो पहा विटेवरी ||३||
विठ्ठल विठ्ठल जय हरी.....
Comments
Post a Comment