आज गोकुळात रंग खेळतो हरी - Aaj gokulat rang khelato hari lyrics

आज गोकुळात रंग खेळतो हरी, 

राधिके जरा जपून जा तुझ्या घरी ||धृ||

तो चकोर चित्त चोर वाट रोखतो,

हात ओढूनी खुशाल रंग टाकतो,

रांगवूनी रंगुनी गुलाल फसतो,

सांगते अजूनही तुला परोपरी ||१||

राधिके जरा जपून.....

सांग श्याम सुंदरास काय जाहले?

रंग टाकल्या वीणा कुणा न सोडले,

ज्यास त्यास रंग रंग रंग लागले

एकटीच वाचशील काय तू तरी ||२||

राधिके जरा जपून.....

त्या तिथे अनंगरंग रास रंगला

गोपगोपिकांसवे मुकुंद दंगला

तो पहा मृदंग मंजिर्यात वाजला

हाय वाजली फिरून तीच बासरी ||३||

राधिके जरा जपून.....