कानडा राजा पंढरीचा - Kanada Raja pandharicha
कानडा राजा पंढरीचा
वेदांनाही नाही कळला अंत पार याचा ||धृ||
निराकार तो निर्गुण ईश्वर
कसा प्रकटला असा विटेवर
उभय ठेविले हात कटिवर, पुतळा चैतन्याचा ||१||
परब्रम्ह हे भक्तांसाठी
मुके ठाकले भीमेकाठी
उभा राहिला भाव सावयव, जणू की पुंडलिकाचा ||२||
हा नाम्याची खीर चाखतो
चोखोबाची गुरे राखतो
पुरंदरचा हा परमात्मा, वाली दामाजीचा ||३||
Comments
Post a Comment