नेसली ग बाई मी, चंद्रकला ठिपक्यांची

नेसली ग बाई मी, चंद्रकला ठिपक्यांची.
बाई ठिपक्याची,
तिरपी नजर माझ्यावर ह्या सावळ्या हरीची,

शिट्टी मारून करतो गोळा गोपाळांचा मेळा.
राधिकेला अडवून धरतो मिठी मारतो गळा.
शर्त झाली बाई याची निर्लजपणाची,
या कान्हाची, या कृष्णाची.
तिरपी नजर माझ्यावर ह्या सावळ्या हरीची.

पाणीयाशी जात बाई, वाटेवरी उभा कान्हा.
सोड देवा पदर माझा, नार आहे परक्याची.
या कान्हा ची, या कृष्णाची.
तिरपी नजर माझ्यावर ह्या सावळ्या हरीची.

एका जनार्दनी गवळण हासुनी,
हरी चरणाशी मिठी मारूनी.
फिटली ग बाई माज्या, हौस या मनाची.
या कान्हाची, या कृष्णाची.
तिरपी नजर माझ्यावर ह्या सावळ्या हरीची.

नेसली ग बाई मी, चंद्रकला ठिपक्यांची.
बाई ठिपक्याची.
तिरपी नजर माझ्यावर ह्या सावळ्या हरीची.

लिरिक्स: संत एकनाथ महाराज
कृष्ण गवळण मराठी