सांज सकाळी भलत्या वेळी sanj sakali bhaltya veli lyrics

सांज सकाळी भलत्या वेळी,

घरामध्ये घुसतो कान्हा ग बाई घरामध्ये घुसतो

दही दूध खाऊनी माठ फोडीतो मस्करी माझी करितो ||धृ||

उंच माळ्यावरी बांधीले शिंके, हात कसा पुरतो 

कान्हाचा बाई हात कसा पुरतो

मांजर म्हणुनी त्यासी मरिता मजवरी गुरकावतो ||१||

जात मी होते यमुनेच्या पाण्या, वाट माझी धरितो 

कान्हा ग बाई वाट माझी धरीतो 

माझा चेंडू हरवला राधे तुजं जवळी दिसतो ||२||

जिकडे पहावे तिकडे हरी, एकची दिसतो

हरि ग बाई एकची दिसतो

म्हणे मुक्ताबाई न्हवे गडे कृष्ण हा पांडुरंग दिसतो ||३||