स्वामी समर्थ भजन - Uajaluni aal abhal Lyrics

शंभो हर हर महादेव, शंभो हर हर महादेव 

उजळून आलं आभाळ रामाच्या पारी,

अनं गाव जागवित आली वासुदेवाची स्वारी ||धृ||

वारुळातुनी योगीराज हा गावामध्ये आला, 

रामाच्या पारी वासुदेव हा जागवितो लोकांना, 

उठा उठा रे गावकऱ्यांनो चमत्कार झाला, 

स्वामी समर्थ आला हो अक्कलकोटवाला ||१||

आपल्या दारी चालून आला नाथांचा हा नवनाथ, 

या भक्तांच्या शिरावरती ठेवी वरदाचा हात,

येड्या वाणी वागु नको रं लाग चरणाला ||२||

बघ ही काया दोन घडीची, पोकळ माया नाही कामाची,

लय झाली रं चैन जीवाची करितो सेवा दिगंबराची,

ध्यानी ठेव रं, ऐकून घे रं, माझ्या शब्दाला ||३||

तीन मुखांचा दत्तगुरु बघ, ब्रम्हा विष्णू महेश हा,

जाणून घे रं भल्या माणसा, वासुदेवाचा संदेश हा, 

तिन्ही जगाचा त्राता त्राता, तरी आम्हाला ||४||

दत्त अवतार स्वामी महाराज, दिन दुबळ्यांची राखीतो लाज 

कीर्तीचा डंका जगात वाज, नाव स्वामींचे भारित गाज 

दत्त गुरूंचे रूप हे साज, दहा खंडाला ||५||

देवाच्या नावानं दान पावल, भवानीच्या नावानं दान पावलं 

दत्ताच्या नावानं दान पावलं, दान पावलं