माझ्या लाडाच्या पाहुण्याला - Mazya Ladachya Pahunyala Lyrics

माझ्या लाडाच्या पाहुण्याला,

 पाठ बसाया देईन,

आनं एकवीस मोदकाचं,

ताट पुढ्यात ठेवीन || धृ ||

असा देवांचा हा देव, तया माझा नमस्कार,

त्याला वाहून फुलहार, त्याचा करीन सत्कार,

भक्ती भावाने माथ्यावर, दुर्वा फुले मी वाहिन || 1 ||

माझे त्रिवार वंदना, माझ्या गणेश देवाला,

नित्य नेमाने देवाची, रोज करीन मी पूजा,

रूप डोळ्याने पाहिन, त्याचे दर्शन घेईन || 2 ||

मला नको त्या धनराशी, मला नको ती संपत्ती,

माझ्या घरात एकनाथा,

 नित्य नांदु दे सुख शांती,

नथमस्तक होईन, त्याचे दर्शन घेईन || 3 ||